Sabato 22 ottobre dalle ore 9.30
In s'aula Magna de s'Universidade, pratza de s'Universidade, Tàtari
***
Sos istudentes de su sòtziu SU MAJOLU, organizant Sa Die de sa Limba Sarda in s'Universidade, sapadu su 22 de santugaini (mes'e Ladamini).
- A ora 'e sas 9 e mesa de manzanu, b'at a èsser su Cunvegnu
"S'amparu de sas limbas minores e s'imparu de custas in sas iscolas: ESPERIENTZIAS PRATICAS DE IMPARU DE SU SARDU".
Ant a faeddare sos mastros e sos professores chi ant imparadu su sardu in sas iscolas e in sas universidades.
A pustis b'at a èssere un'arrejonada chin su pùblicu.
Cherimos iscurtare sas esperièntzias didàticas de sos mastros ca pessamos chi siat importante meda intèndere ite problemas ant atzapadu e ite issèperos ant fatu pro los superare. Infatis cadaunu de custos mastros at dèpidu isperimentare una manera personale de imparare a sos pitzinnos su sardu, ca non bi esistit galu un'imparu istitutzionale de sa limba nostra.
Est importante a los intèndere pro isseperare sa menzus manera chi b'at de l'imparare in iscola e pro abberguare totu su chi depet connòschere unu mastru de sardu, gai chi sa nostra torret a èssere una limba pro arrejonare in totue, de donzi cosa e in cada occasione, comente fit a sos tempos de sos mannos nostros.
- A ora 'e sas 8 de sero b'at a èssere unu cuntzertu in Pratza Universidade chin sos TZOKU, ISTENTALES, SOUTH SARDINIA BRUXA, BICHINAU DUB'N FUNK, S'ACRU, TENORE BUSTIANU SATTA de Nùgoro, TENORE USUSULE de Thiniscole.
Su de connòschere e istudiare sa limba nostra est unu diritu de totu sos sardos: pro la torrare a faeddare in sa sotziedade bisonzat de la batire in totu sas iscolas e in sas universidades sardas!
Bos isetamus pro arrejonare, pro nos cunfrontare, pro iscurtare musica sarda bona, pro nos ispassiare... e pro nàrrer chi cherimus su sardu in sas iscolas e in s'Universidade!
